ushqime qe luftojne plakjen

Ushqime që luftojnë plakjen


Shikoni cilat ushqime luftojnë shenjat e plakjes, duke i bërë mirë shëndetit, por edhe pamjes suaj.Spinaqi dhe fasulet
Studiues në Australi, Indonezi dhe Suedi studiuan ushqyerjen e
femrave dhe të meshkujve të moshuar dhe vërtetuan se, ata që kishin më
pak rrudha konsumonin më shumë perime me gjethe jeshile dhe fasule.
Sekreti? Këto ushqime janë të pasura me lëndë që ndihmojnë në qetësimin
e shërimin e qelizave të lëkurës.
Lëngu i rrushit
Jo vetëm mbron nga infarkti dhe hemorragjia cerebrale, por mund të
ndihmojë edhe në qetësimin e lëkurës. Dhe kjo, sepse rrushi përmban
polifenole, lëndë antioksiduese që e ruajnë lëkurën elastike dhe të
lëmuar.

Patatet e ëmbla
Ekspozimi i tepërt në diell është një nga faktorët kryesorë të
plakjes së parakohshme të lëkurës. Studiues evropianë zbuluan se,
lëndët me ngjyrë (të verdhë, portokalli...) nga ushqime të pasura me
b-karoten, si: patatet e ëmbla dhe karotat mund të ruhen në lëkurë,
duke e mbrojtur atë nga rrezet e dëmshme të diellit.
Djathi i verdhë
Është një nga ushqimet më të mira për dhëmbët. Ai është i pasur me
kalcium, por ndihmon edhe në zvogëlimin e niveleve të baktereve në
gojë, duke i ruajtur dhëmbët të pastër e duke i mbrojtur ata nga
sëmundjet e mishrave të dhëmbëve. Provoni 2-3 racione djathë të fortë
në javë.

Parandaloni gripin!


Ndalohet përdorimi i antibiotikëve të cilët e rëndojnë gjendjen shëndetësoreStina
e lagësht, ndryshimi i menjëhershëm i temperaturave, kanë bërë që të
shfaqen shenjat e para të gripit tek moshat e vogla. Por, të rrezikuar
në të njëjtën masë janë dhe pacientët e moshës së tretë. Kjo ndodh si
pasojë e imunitetit të dobët trupor që gëzojnë këto kategori ndaj
luhatjes së shpeshtë të temperaturave.

Probleme këto që mund të shfaqen në forma nga më të ndryshmet, që me
simptomat e gripit, bllokim të rrugëve të frymëmarrjes, bronkopneumoni
dhe nëse nuk merren masat e duhura menjëherë për trajtimin e tyre, mund
të kalojnë dhe në forma më të rënda siç është ajo e ftohjes. Simptomat
që shoqërojnë këto të fundit janë nga më të ndryshmet, duke filluar që
nga djegiet e fytit, kollë e fortë therëse dhe e thatë, ftohje, si dhe
në masë gjendje rrufe me sekrecione nga hundët. Pacienti ndihet i
lodhur dhe nuk është në gjendje që të kryejë aktivitete e tij si në
ditët normale. Pjesa më e madhe e këtyre rasteve të paraqitura janë
bronkopneumoni që shoqërohen me kollë, gjendje rrufe, temperatura të
larta. Ndërsa në raste më të rralla mund të kalojnë në bronkite apo
ftohje të formave të rënda.

Pjesa më e madhe e rasteve të paraqitura shoqërohet me shfaqjen e
temperaturave të larta. Kjo sidomos për fëmijët e moshave 2 deri në 5
vjeç ku temperatura vjen gjithnjë e më shumë në rritje. Për këtë
kategori duhet treguar një kujdes i veçantë, pasi komplikacionet mund
të jenë vërtet të formave të rënda. Për të tilla raste mund të
këshillohet dhe marrja e antibiotikëve, por kjo vetëm pas kontrollit të
bërë në mënyrë të hollësishme nga mjeku. Ndërsa në situata të tjera,
kur nuk ka më shumë se 38 gradë temperaturë, këshillohet që të pihet
paracetamol disa herë gjatë ditës.

Bërja e vaksinës antigrip është dhe një ndër këshillat kryesore që
duhet të mbajnë parasysh prindërit, sidomos për moshat e vogla dhe ato
të mëdhatë. Gjithashtu, ju rekomandojmë që të bëni kujdes që të mos
aplikohet vaksina tek ata fëmijë të cilët kanë simptoma të shfaqura të
gripit, pasi bërja e vaksinës në këtë rast nuk do të ketë efekt.
Ndërkohë që vaksina antigrip duhet bërë gjatë kësaj periudhe pasi ka
dhe sezonin e vet. Për rastet kur temperatura nuk është shumë e lartë
mund të operohet dhe me dhënien e ndonjë paracetamoli, por kurrsesi të
antibiotikëve, pasi këto të fundit mund të ndikojnë negativisht në
shtimin e sëmundjes. Kujdes gjithashtu prindërit duhet të bëjnë që më
parë të bëjnë vizitën e fëmijës sapo të shfaqë simptomat dhe jo t’u
drejtohet farmacive për të blerë ilaçe të cilat janë super të dëmshme.

Realisht këto simptoma janë ngjitëse, ndaj duhet bërë shumë kujdes që
të mos lihet i sëmuri në ambiente kolektive, sepse mund të kalojë
gjendja dhe te pjesa tjetër që ndodhet aty. Kështu, fëmijët duhen
shmangur së qëndruari në vende të përbashkëta, ndaj duhet bërë dhe
izolimi i tyre. Të shmanget përdorimi i rrobave të leshta dhe ato
sintetike të cilat pengojnë qarkullimin e lirshëm të ajrosjes. Nga ana
tjetër, është e nevojshme që për fëmijët, të cilët vuajnë nga rrugët e
frymëmarrjes, përveçse të qëndrojnë në regjim shtëpie, jepet dhe ilaçi
me anë të pikatoreve. Këshillohet t’u jepet sa më shumë lëngje në sasi
dhe supa të ngrohta me përmbajtje vitaminash.